म्याग्दी,
बेनी नगरपालिकाले ३५ जना किसानलाई १२ हजार वटा ग्रास कार्प माछाका भुरा निःशुल्क वितरण गरेको छ।
नगरपालिकाले रु एक लाख खर्च गरेर भुरा खरिद गरी किसानमा वितरण गरेको हो। नगर प्रमुख सुरत केसी का अनुसार यस पहलको उद्देश्य किसानलाई माछापालनतर्फ आकर्षित गर्नु र माछाको आयात घटाउनु रहेको छ।
केसीले राससलाई जानकारी दिनुभयो कि यस किसिमको सहयोगले स्थानीय स्तरमा माछापालन प्रवद्र्धन हुने र किसानको आम्दानीमा थप वृद्धि हुने अपेक्षा गरिएको छ।
12 March 2026
